| 
Sanad kastaba waxa Tartamo Ciyaareed lagu qabtaa Gobolka OHIO magaaladda
Madaxdiisa ee Columbus,waxaana ka soo qeyb gala Halyeeyo Isboortiga Soomaaliyeed
magac iyo Maamus ku leh oo ka kala yimaado Gobolado ay ka koobantahay
Dalka Mareykanka.
Waxaa magaaladda Atlanta ka safray wafdi aad u balaaran oo ka kooban qeybaha
kala duwan ee Buldhadda,waxaana ka mid ahaa Gudoomiyaha Jaaliyadda Somali
American Mudane Cumar Shekhey,Gudoomiyey Kuxigeenka Mudane Cabdikhaliq,
Mudane Aaden Sunbul oo ka tirsan Guddiga Jaaliyadda ee Somali-American,waxa
kaloo wafdigaasi ka mid ahaa Gudoomiyaha Isbortiga iyo Dhaqanka ee Atlanta
Mudane Dr. Cali Cusmaan Cali,Gudoomiye kuxigeenka Mudane Aweyn Fundi,tabababarha
Kooxda Juba isla markaana ah Xoghayaha Guddiga Isboortiga,Mudane Cabdulqaadir
Xasan Cadde(Caydiid Jeenyo),Cabdikariin Cali Aar oo ah Madaxa Arrimaha
dibadda ee Guddiga Isboortiga iyo dhaqanka,Nafiiso Cali oo ah Madaxa Haweenka
Atlanta,Cabdisalam Cagey iyo Xaskiisa,Cabdiqani Abuu iyo Xaskiisa,Axmed
Ugaas iyo Cabdikhaliq.
Waxa sanadkani oo ahaa mid ka duwan sanadihii hore madaama ay magaca Atlanta
uga qeyb galeen koox Kubadda Cagta ah oo da'doodu u dhaxeeyso 10-12 oo
muddo uu soo tababaraayey Mudane Caydiid oo ka mid ah Tababarayaasha ku
xeel dheer arrimaha Kubadda cagta,waxaana uu noo xaqiijiyey in Tababarha
iyo kooxdiisaba ay gaareen Guul lagu faani karo,waxaana Mudane Caydiid
uu yiri markii aanu u fiirinowaqti aanu ku abuurnay Kooxdaasi iyo Kaalinta
ay ka soo dhalaaleen waa mid na gelineysa hami aad iyo u weyn,waxaana
Reer Atlanta u Ballaqaadeynaa in mustaqbalka dhaw ay kooxdaani noqon doonto
mid dalka Mareykanka oo dhan ka tilmaaman,waxaana uu ugu dambeyntii uu
u Mahadceliyey Waalidiintii fursadda noo siiyey in aanu Caruurtooda tababarno,kuwaa
ay ugu horeeyaan Cagey &Xaskiisa,Cabdiqani&Xaskiisa Axmed Ugaas
iyo Cabdikhaliq iyo inta kale oo ka qeyb gashay abuuritaanka Kooxdaani..
Waxaa sidoo kale in la xuso u baahan Dardaarnka Gudoomiyaha Jaaliyadda
Mudane Cumar Shhekhey iyo Gudoomiy Kuxigeenka Guddiga Isboortiga Mudane
Aweys Fundi oo labadooduba ku dheeraady ahmiyadda uu Isboortiga u leeyahay
dhalaanka soo koraayo,waxayna labada Mas'uul ay mahad aan la koobi karin
u jeediyeen Tababare Caydiid oo juhdi fara badan geliyey abuuritaanka
Koxdani,waxay kaloo u mahadceliyeen dhamaan odayaashii Isboortiga oo waqtigooga
u huray ka soo qeyb galka Tartamadaasi taa oo u noqoneysa dhiiri gelin
dhaalnaka soo kooraayo.
Ugu dambeyntii waxa warbixin gaaban halkaa ka jeediyey Mudane Dr. Cali
Cusmaan Cali Gudoomiyaha Isboortiga iyo Dhaqanka ee Atlanta,isagoo sheegay
in uu sanadkaani ahaa kii ugu quruxda badnaa 13kii sano ee Tartamadda
OHIO la soo waday,waxa ka soo qeyb galay shaqsiyaad qiimo ku leh Bulshadda
Soomaaliyeed sida Tababare Axmed Carab oo runtii waxyaabaha uu ka soo
qabtay Horumarinta Isboortiga Soomaaliyeed gaar ahaa Kubadda Koleyga ay
tahay mid ay Ummada Soomaaliyeed Abaal uga hayso,waxa uu soo Tababare
Kooxo kala duwan,waxa uu layliyey Kooxaha Qaranka Soomaaliyeed ee Kubadda
Koleyga oo runtii guulo dhaxal gal ah u soo hooyiyey,waxa kalo in la xuso
mudan in shaqsiyaadka ka soo qeyb galay uu ka mid ahaa Yuusuf Kolombos
oo mar ka mid ahaa Goloha Wasiiradda ee Jamhuuriyadda Soomaaliyeed oo
runti lagu xusuusto sida Soomalinimadda ku dheehantahy uu waajibaadkiisa
Qaran uu u gutay taa oo Taarikhda geli doonta.
Ugu dambeyntii Dr. Cali Cusmaan Cali isagoo qiireysan uu u Mahadceliye
Madaxa Laanta Af Soomaaliga ee VOA Mudane Cabdiraxmaan Yabarow doorkii
shariifka ahaa oo VOA ka soo qaadatay isu ururinta Ummada Soomaaliyeed
ee ku kala baahsaan addunyadda dacaladeeda kala duwan,waxaana arrinta
VOA iyo shaqaalaheeda u galeysa Taarikhda baalalkeeda dahabiga ah,waxaana
u hambalyeyneynaa VOA dabaldegii ay u dabaldegtay sanadguuridii LIXAAD
ee ka soo wareegatay markii udubadda loo taagay.waxa kaloo Dr. Cali Cusmaan
si gaar ah ugu mahadceliyey Wariye Ibrahim Dandurey sida uu waqtigiisa
noogu huray kana soo qeyb galay Tartamadii Isboorti ee OHIO lagu qabtay,waxaana
taa ay noqoneysa mid dhiiri gelisa Dhalaanka soo koraayo...ayuu Dr. Cali
Cusmaan hadalkiisii ku soo koobay.
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
|
