• 

  Kulan balaaran oo looga hadlayo Sportiga Edmonton, Alberta

Waxaa maalinimadii axadii aan ka soo gudubnay taariikhduna aheyd Jan 31,2010, lagu qabtay shir sport oo aad u balaaran oo aan horey oga dhicin magaalada Edmonton, Alberta, Canada. Shirkaasoo ay kasoo qeyb galeen dhammaan cayaartoydii magaca iyo maa’muuska ku lahaa kooxahii heerka koowaad ee wadankeenii hooyo.

Shirkaasoo ku saabsanaa sidii wax loogu qaban lahaa dhalinta da’da yar, dibu’dhaca iyo maamul la’aanta ka jirta sportiga iyadoo magaalada ay dagan yihiin tiro fiican oo looga danbeyn jiray garoomada cayaaraha, hadey noqon laheyd kubada cagta iyo midda koloygaba.

Shirkaasoo ay soo qaban qaabiyeen dhalinyaro isku xil qaantay isku keenida dhamaan dadka xirfada iyo aqoonta maamulba u leh dhinaca sportiga.

Furitaankii shirkaba waxaa halkaa looga mahadceliyey Mudane Abdikhayr Cumar Xaaji oo asagu lahaa fikrada asalkeeda, dhalinyaro baddana ay kal shaqeeyeen.
Waxaa kaloo halkaa mahad aad u ballaaran looga soo jeediyay Macalinkii kooxdii kubada cagta ee  Edmonton stars Abdirahman Tacbaan, oo runtii qabtay wax shaqsi kaligii uu san qaban Karin, muujiyeyna da’daal aad u farabadan, kuna bixiyey waqti iyo dhaqaale siduu dhalinta magaalada ugaarsiin lahaa horumar dhinaca kubada cagta ah, laakiin nasiib daro  uu macaclinkii magaalada ka guuray arrimo u gaar ah awgeed.

Dood dheer iyo falaqeyn dhinac walba leh ka dib, waxaa halkaa lagu go’aan saday arrimaha soo socda.

1. In la sameeyo urur ka shaqeeyo maslaxada dhalinta da’da yare e sportiga, iyadoo la’la kaashanayo qof walba oo Soomaaliyeed oo raba inuu wax u qabto dhalinta da’da soo koroysa iyo hay’
2. In la’la xiriiro ururada Soomaaliyeed ee magaalada Edmonton si looga helo taageero dhinac walba leh.
3. In xiriir wada shaqeyn la’la yeesho waalidiinta ilmaha da’da yar si lafsadoodu looga helo gacan iyo taageero labadaba si dhalinta looga ilaaliyo dhamaan waxaan ku habooneyn jiritaankooda.
4. In bishaan dhexdeeda la qabto tartan kubada cagta ah si loo soo xulo koox tayo leh oo garoomada Edmonton, Toronto iyo kuwa kalaba kasoo heyso guula la’taaban karo.
5. In la raadiyo dhaqaalo lagu how galiyo dhamaam arrimaha kor ku xusan.

Waxaa gabagabdii shirka leysku raacay in la dhiso Urur la magac baxay Somali Canadian of Alberta Youth Sports Centre, waxaana Gudoomiye ku meel gaar ah loo doortay Abdikhayr Cumar Xaji Mahamud.

Waxaa kaloo halkaa lagu dhisay gudi lagu magacaabo Soccer Committee, masuulna ka ah qabashada tartanka kooxaha iyo soo xulida cayaartoyda mustaqbalka ee magaalada.

Runtii waxaa xasuus mudan in shirkaas ay ku kulmeen cayaar yahano weyn oo mudo hore iskugu danbeysay, halkaana iskugu marxabeeyay.

Waxaa shirkaa kasoo qeyb galay.

1. Nur  nur  Omar (Eto)
2. Mohamed T. Gurey
3. Ahmed Ahmed Shino
4. Yahye Mahadle
5. Mohamed Adan Xirsi (Madoobe)
6. Yasin Mohamed wardhere
7. Abdihakin Osman ( Xakinkey)
8. Abdiwali farah
9. Abdihakin Egah

10.Abdikhayr  Omar Mohamud
11. Awil Barhad
12. Abdullahi Ibrahim

Wabilahi Towfiiq
Abdikeir@yahoo.ca

Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line