| 
Waxaa magaaladda
Atlanta ee Cariga Mareykanka lagu qabtay Casuumaad si heer sare ah loo
soo agaasimay oo lagu soo dhaweenaayey Gudoomiyaha Guddiga dib u eegidda
Dastuurka Jamhuuriyadda Soomalia Marwo Xildhibaan Maryan Cariif Qaasiim,waxaana
soo dhaweyntaasi ka soo qeyb galay Jaaliyadda reer Atlanta oo aan u kala
harin sida Guddiga Isboortiga iyo Dhaqanka,Somaali-American Center,qaar
ka tirsan hoyooyinka,Dhalinyaradda,Odayaasha iyo xubno magac iyo maamusba
ku leh Bulshadda Soomaaliyeed oo hore u soo qabtay Jagooyin sar sare ee
dalka Jamhuuriyadda Soomaaliyeed,waxaana uu jawiga ahaa mid aad iyo aad
raali looga noqday.
Waxa ugu horeyntii halkaa warbin ku siiyey Xildhibaan Maryan Cariif Qaasim
Gudoomiyaha Isboortiga iyo Dhaqanka Mudane Dr. Cali Cusmaan Cali oo isagoo
ku hadlaayo Magaca Bulshooyinka kala duwan ee Atlanta ku soo dhaweeyey
Magaaladda Atlanta oo Taarikh ku leh soo dhaweynta Madaxda Qaranka Soomaaliyeed
iyo Jaaliyadaha kale duwan oo aan la nool nahay,waxaana warbixintiisa
ka mid ahaeyd isago la socodsiiyey Xildhibaan Maryan Cariif Qaasim in
uu Magaaladaani nagu Soo booqdeen Madaxweynihii Hore ee Soomalia Mudane
Shekh Shariif,Wasiirkii Hore ee Tacliinta sare Mudane Cabdisalaam,Aaden
Ducaale oo ka mid aha Barlamaanka Keenya,Dr. Brown oo ah Madaxweynaha
Jaamacadda Clark Universaty.
 ,
Ciyaaryahanadda
iyo Tababarayaasha Olimpigadda ugu caansan sida Tommy Smith,Kevin Young,Ron
Davis,Dr. Mike Spino,Ian Dube iyo qaar kale,waxaana ay Atlanta ku heshay
qadarin aan la koobi karin iyadoo safka hore ugu jirta Jaaliyadaha qurba
joogta ah,waxaana Gudoomiye Dr. Cali Cusmaan Cali halkaa loogu tumay sacab
aad oo uu ku kasbaday si hufan uu u warbixinta u siiyey Xildhibaan Maryan
Cariif Qaasim.
Gudoomiyaha Guddiga dib u eegidda Dastuurka Xildhibaan Maryan Cariif Qaasim
ayaa waxa ay marka hore u mahadcelisay Jaaliyadda reer Atlanta oosi qiimo
leh u soo dhaweeyey,waxayna uga warbixisay marxaladihii kala duwanaa uu
soo maray dastuurkeenna,waxayna sheegtay in 99% uu yahay mid la socon
kara dastuuradda ka jira addunka,waxaana jira meelo aad iyo aad u yar
yar oo loo baahanyahay in la saxo,waxaana laalnay qodobo dhawr ah oo aan
la socon karin itijaaha Siyaasadeed oo ay Ummadda Soomaaliyeed tiigsaneyso,waxa
kaloo ay sheegta in qaar kalena ay miiska noo saaranyihiin oo ay doodeedii
aan ku guda jirno,annagoo rajeyneyno in aan dhameystirno,waxyna Xildhibaan
Maryan Cariif ay u mahad celisay Gudoomiyaha Barlamaanka,Gudoomiyey kuxigeenadda
iyo xubnaha Barlamaanka oo gacan weyn ka geystay hawsha culus oo ay u
xilsaaranyihiin.
Xildhibaan Maryan Cariif Qaasim Gudoomiyaha Guddiga dib-u eegidda Dastuurka
ay la socodsiisay Jaaliyadda reer Atlanta in maanta ay Soomaliya guud
ahaan ka jirto nabadgelyo la isku haleen karo,waxayna farta ku fiiqday
Caasimadda Soomaaliya ee Muqdishu,iyadoo sheegtay in ay tahay meel nabdoon
wallow ay mar marka qaar ka dhacaan dhibaatooyin keena qasaarooyin culus,taa
micnaheedu ma ahaa in dhibaato jogta ah ay jrto,waxayna sheegtay in dawladda
ay u hurtay wax alla waxii awoodeeda ah oo dib loogu soo celinaayo nabadgelyadda
iyo kala dambeynta taa oo guul taariikhi ah laga gaaray.
Gudoomiyaha Guddiga dib u eegidda Dastuurka Xidhibaan Maryan Cariif ayaa
ka war bixisay wada shaqeynta ka dhaxeysa Dawladda Soomaaliya iyo barlamaanka
taa oo ku qotonta in la hawl galo sidii ay mar kale Ummadda Soomaaliyeed
ay lugaheeda iskuugu taagi laheyd,sidii dib loogu soo celin lahaa karaamadii
Qaranka Soomaaliyeed uu lahaa,sidii dadka Soomaaliyeed loo walaaleyn lahaa
kuwaa oo maanta laga gaaray meel aad iyo aad u sareysa ka dib markii la
geliyey juhdi aad iyo aad u sareya.
Xildhibaan Maryan Cariif Qaasim Gudoomiyaha Guddiga Dib-u eegidda Dastuurka
ayaa waxa ay u sheegtay ka soo qeybgalayaashah in Wadanka Soomaaliya ay
soo gaartay dhibaatooyin baaxad weyn oo kaga yimid dagaaladii Sokeeyey
oo waxyeeleeyey kaabayaashii Dhaqaalaha,Siyaasadda iyo Bulshadda,waxaana
uu u baahnaan karaa in si wadajir ah loogu shaqeeyo si caqabadahaasi looga
gudbo,iyadoo ku boorisay aqoonyahanadda halkaa joogay in ay yimaadaan
wadankii oo aan looga maarmin aqoontooda iyo waayo-aragnimadooda,taa ma
aha micnaheedu in aan laga gudbi karin dhibaatooyinkaasihaddi aysan imaanin
wadanka waayo waxa jira qaar idinka mid ahaa oo maanta waqtigooda qaali
ah u huray badbaadinta Ummadda Soomaaliyeed,mar waxa wanagsan in aad garab
siisaan aqoonyahanadda maanta ku hawlan samatabixinta Dalkooda iyo Dadkoodaba.
Gudoomiyaha Guddiga did u eegidda Dastuurka Xildhibaan Maryan Cariif Qaasim
iyadoo ay ka muuqato shucuur Soomaalinimo ayey waxay tiri ...Waxa wax
lagu farxo ah in aan maanta Magaaladda Atlanta ku arko dad Soomaaliyeed
oo ka gudbay waxyaabaha dib u dhaca u keenay Ummadda Soomaaliyeed si QABIILKA
oo runtii ah mid aan qaran dhiseynin,waxaana ballanqaaday in ay gaarsiiso
Madaxda sare ee Soomaaliya,waayo waxaan soo maray meelo badan oo addunka
ka tirsan oo uu QABIILKA yahay sheyga qofka lagu qiimeeyo,waxayna ku boorisay
Jaaliyadda reer Atlanta in ay halkaa ka sii wadaan sida ay mudnaanta u
siiyaan wadaniyadda oo run ah wax lagu faano.
Xildhibaan Maryan Cariif Qaasim waxay kale Fursad u heshay in ay la kulanto
Dr. Mike Spino oo ah khabiir Olimpigadda iyo Bare Jaamacadeed saaxiib
dhawna la ah Guddiga Isboortiga iyo dhaqanka,iyo Ian Dube oo ah Gudoomiyaha
Ciyaaraha Fudud ee Gobolka Georgia oo labaduba diyaar u ah in ay la shaqeeyaan
horumarinta arriimaha Bulsha sida Waxbarashadda,Caafimaadka iyo qeybaha
kala duwan ee Isboortiga,waxay kaloo halkaa ugu hambalyeysay Mudane Axmed
H. Hassan oo dhawaan ku guuleystay doorashadii ka dhacday magaaladda Atlanta
isagoo xubin ka ah Guddiga Joogtadda ah ee degmadda Clarston oo ay Soomalida
wada degenyihiin,waxa kaloo shirkaasi goob joog ka ahaa Inj. Cumar A.Shekhey
Gudoomiyaha Jaaliyadda iyo Dr. Maxamed cali Nuur oo ka mid ah aqonyahanadda
Soomaaliyeed jagooyin sar sarena ka soo qabtay Dalka Soomaaliya,waxaana
uu shirkii ku soo dahmaaday si heer sare ah oo loo wada khushuucay.
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
|
