| 
Ibraahim Roombo oo Shaaciyay
Inuu Ka Tanaasulay Musharaxnimada Xilka Guddoonka XSKK
MUQDISHO – Ibaraahim Xuseen Cali (Roombo) Guddoomiyahii Xiriirka Soomaaliyeed
ee Kubadda Koleyga ayaa shir-jaraa`id oo uu ku qabtay Xarunta Guddiga
Olambikada Soomaaliyeed ku shaaciyay inuu ka tanaasulay musharaxnimadiisa
inuu mar kale isku soo taago xilka Guddoonka XSKK.
Guddoomiye Ibraahim Roombo oo muddo badan ku soo dhex-jiray howlaha Isboortiga
dalka gaar ahaan Kubadda Koleyga ayaa xusay Isboortiga inuu yahay kan
kaliya Ummadda Soomaaliyeed u horseedi kara Nabadda iyo Isdhex-galka Bulshada,
wuxuuna tibaaxay Inuu Xilal kala duwan uu ka soo qabtay XSKK wuxuuna carabka
ku adkeeyay mudada uu xilka Guddoonka sare hayay inuu dhinacyo badan oo
horumarinta Kubadda Koleyga kasoo shaqeeyay taasoo uu carabka ku adkeeyay
inay marqaati u yahiin bahweynta isboortiga Soomaaliyeed ee dalka iyo
dibaddaba ku sugan.
“Waxaan aad ugu Mahadcelinayaa Dhamaan bahda Kubadda Koleyga sida wanaagsaneyd
ee ay ila soo shaqeeyeen, Waxaana u Cadeynayaa inaan ka Tanaasulay Xilkii
Guddoonka XSKK, Ka dib markaan gartay in aan sabab u noqon Burbur ku yimaada
Isboortiga Soomaaliyeed gaar ahaan Kubadda Koleyga oo muddadii aan xilkaas
hayay gaaray Horumar baaxad leh. Diyaarna aan u ahayn inaan wasakheeyo
sharaftii aan ku lahaa Isboortiga dhexdiisa - Waxaan soo dhaweynayaa ciiddii
loo doorto guddoonka Xiriirka anigoo ka balan-qaadaya wixii waayo-aragnimo
talo iyo tusaaleyn ah”
“Waxaan aad ugu Mahadcelinayaa Mas`uuliyiinta Wasaaradda Horumarinta Adeegga
Bulshada doorkii wanaagsanaa ee ay ka qaateen Xakameynta arrimahii ka
taagnaa doorashada XSKK.” Ayuu kusoo gunaanaday Md. Roombo.
Si kastaba, Ka Tanasulidda xilka Guddoonka XSKK ee Md. Roombo ayaa bahda
Kubadda Koleyga waxay ku tilmaamayaan mid niyad-jab ku ah inta jacel horumarka
K/Koleyga oo muddooyinkii ugu dambeeyay ku talaabsaday guulo Taariikhi
ah, waxayna Musharaxa xilkan iminka u taagan ku booriyeen inuu la yimaado
horumar ka badan inta uu soo Hoyay Guddoomiyihii hore Ibraahim Xuseen
Cali "Roombo".
W/D Said Ibrahim Hussein (BUUNA)
Cell Phone:+2526-1-5520008/ +14434409441
Email:buuna@isboorti.com
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
|
