Waxaa dhacdey
markii la soo qaxey oo qurbaha la soo galey in fanaaniintii hore ay aad
ugu keeneen cabasho xoogan kadib markii ay arkeen heesihii ay qaadi jireen
oo laga bililiqeystey, hadaba taa mid ka xun maanta waxaa sameeyay Duqa
magaalada Muqdisho Tarzan iyo Xoghayaha GOS Duraan, waxay mudan yihiin
in copy rights law lagu qaado.
Magaalada Muqdisho bishii la soo dhaafey waxaa soo gaarey maamulaha iyo
macalinka kooxda Qaranka cayaaraha fudud ee dalka Soomaaliya mudane Cabdulqaadir
Caraale iyo mudane Cabdi Warsame,kuwaasoo ka yimid dalka Mareykanka, si
ay magaalada Muqdisho caasimada dalka Soomaaliya ugu qabtaan siminaaro
iyo tartamo cayaaraha fudud ah,waxaana ku wehliyay safarkooda Gudoomiyaha
XSCF mudane Maxamed Cali oo ka soo raacey magaalada Dubai.
Intii aysan ka soo bixin Mareykanka labadaan mudane Caraale iyo Cabdi
Warsame, waxaan aniga oo Yusuf ah kale shaqeeyay sidii qalab isboorti
iyo abaalmarinta ay bixin lahaayeen u heli lahaayeen,madaama aan u arkayay
inay u baahan yihiin taageero howsha wanaagsan ay u qabanayaan wadankooda
gaar ahaan caruurta iyo dhalinyarada Soomaaliyeed ee ku dhaqan caasimada
Muqdisho, nasiib wanaag waxaan qalab ka kooban dhar iyo kabo noogu deeqay
nin Mareykan ah oo la yiraahdo Fermin lau oo caawiya ciyaartooyda aan
awoodin inay helaan qalab ay ku ordaan sida kabaha iyo Hay’adda wadaniga
ah ee HIRDA oo run ahaantii qalab tayo leh oo ka kooban kabo Nike ah iyo
Funaanado Nike ah oo cusub iyo dhaqaale ugu deeqday howsha ay wadeen aqyaartaan
isboortiga ah howsha ay doonayaan ku qabtaan wadanka.
Waxaa idin xusuusinayaa Caraale iyo Warsame inay yihiin ciyaartooydii
qarankeena cayaaraha fudud oo doonaya inay gacan siiyaan ciyaartooydeena
mustaqbalka soo socdo si aan garoomada caalamka mardambe magaca wadankeena
loogu bahdilin sidii dhacdey marar badan laga soo bilaabo 2000 -2012 cayaarihii
olambikada Sydney. Greece.Peiking iyo London.
Mudane Cabdi Warsame iyo mudane Cabdulqaadir Caraale waxay goosteen inay
Muqdisho ka degtaan bartamihii bishii Janaayo iyagoo soo marey Holland,
si ay qalabkaas gacanta ugu sii qaataan madaama ay aad ugu baahnaayeen,
waxayna qalabkii ninkii Mareykanka bixiyayna ka soo qaadeen magaaladooda
oo loogu soo direy,waxayna ka degteen magaalada Muqdisho oo si heer sare
ah loogu soo dhaweeyay imaanshahooda.
Kadibna waxay ka bilaabeen siminaaro iyo aqoon kororsi ay siiyeen macalimiinta
iyo garsoorayaasha ku dhaqan magaalada Muqdisho iyagoo gacan weyn ka helaya
madaxda Xiriirka Soomaaliyeed ee cayaaraha fudud, kadibna waxay magaalada
Muqdisho ku qabteen orado kale duwan sida cayaaraha dugsiyada iyo tartan
ay ugu magac bixiyeen tartanka oradka nabada ee magaalada Muqdisho 2013
.( Mogadishu Run for Peace 2013).
Tartankii iyo howshii sidii aan ugu talagaleen ayay u dhacdey una fuliyeen
si wadajir ah maamulka XSCF ay hogaamineysay gudoomiye ku xigeenka Khadiijo
Dahir, Mudane Cabdulqaadir Caraale iyo Mudane Cabdi Warsame, waxaana ka
qayb galey dhalinyarado aad u badan oo lahaa wiilal iyo gabdho, kuwaasoo
la gudoonsiiyay qalabkii iyo abaalmarinadii loogu talagaley, waxaana ka
qayb galey 31/01/2013 xiritaankii tartankaan Oradka 1KM Nabada ee Muqdisho
2013 Wasiir ku xigeenka Isboortiga iyo dhalinyarada Bashiir Goobe iyo
Duraan naftirkiisa si uu uga soo xado fikirkaan , hadane inkastoo dhanka
saxaafada aan laga buun buunin oradkaan balse waxaan isku daynay aniga
iyo Salah Dheere inaan raadino kadibna soo bandhigno howshatan qiimaha
badan leh oo lagu qabtey magaalada Muqdisho, si ay dhiirigalin ugu noqoto
dadkii soo qabanqaabiyay iyo dhalinyaradii ka soo qayb gashey oo dhan.
HALKAN
HOOS KA DAAWO WAREYSIGII CARALE IYO CABDI WARSAME AY SIYEEN SHABAKADA
XIDDIGAHA.COM INTII AANEY U DHOOFIN MUQDISHO
Anigoo ka yaaban sababta barnaamijkaan taariikhiga ah loo qariyay ayna
u buunbuuniyaan waxaan jirin markasto GOS ayaa waxaan ka warhelay in Mudane
Caraale iyo Cabdi Warsame ay ka soo ambabaxeen magaalada Muqdisho ayna
jogaan magaalada Dubai, ayaa hadane waxaan isla markiiba ku arkey website
Soomaalida oo dhan iyo kan IOC-da orad lagu qabtey magaalada Muqdisho
laguna magacaabayo Oradka Nabada magaalada Muqdisho 2013 (Mogadisho Run
for Peace 2013) ay hor gaardinayaan sidii guulwadayaal Gudoomiyaha Gobalka
Banaadir Tarzan iyo Xoghayaha GOS Duraan Faarax ayna ka maqan yihiin maamulkii
cayaaraha fudud ee Soomaaliya iyo dadkii howshatan ku qabtey munaasabadii
nabada iyo isboortiga.
Yaabkii ugu darnaa Funaanado suuqa bakaaraha laga soo qaadey oo ay ku
qoran tahey calaamada GOS ”SOC Mogadishu Run for Peace 2013” ayaa loo
soo xirey ninka isku sheegaya inuu yahey Gudoomiyaha Gobalka iyo Duqa
magaalada Muqdisho Tarzan ceebtiisa iyo damiir xumadiisa halka Duraana
uusan soo xiran, balse Duraan Faarax funaado Dark Blue ah oo aan calanka
aheyn u soo xirtey, islamarkaana dhalinyaro Soomaaliyeed ayaa la soo safey,
si film hindi loogu dhigo hay adaha deeqaha bixiya, lana sheegto in lagu
qabtey magaalada oradkii nabada ee ugu horeeyay sanadkaan, si dadka la
isaga dhigo dad wadanka wax u qabanaayo islamar ahaanta iyadoo English
lagu qorey loo dirsadey website-yada laga aqriso wadamada.
barnaamijyada ay ku qabtaan wadamadooda si Olympic Solidarity and Sports
forPeace project lacago looga soo daadsado madaama shaqo weyn oo nabada
iyo is dhexgalka bulshada wadankeena lagu qabtey ayna ku qabteen laga
dhigo GOS iyo Duqa magaalada Muqdisho.
Maxaa u diidey inay magac kale u baxsadaan markalena qabsadaan oo u bixiyaan
xataa almiino Banadir Run for Peace ama Xamar Run for Peace, Tarzan/Duraan
NGO RUN FOR Cash?. madaama Mogadishu Run for Peace dadkale sameysteen
ayna maalgaliyeen, sababta Muqdisho nabad u heli weysay waxaa weeye dadkii
Muqdisho ku dhashey ee saxda ahaa maamulka magaalada gacantooda kuma jirto,
waxaa maamulo shufto degmooyin iyo tuulooyin ka yimid iyagoo waaweyn,
marka ma iyagaa ka naxaayo Muqdisho oo qiimo ugu fadhidaa nabadeeda iyo
horumarinteeda, hadii ay ku dhalan lahaayeen Isbitaal Martini, Digfeer,
Banaadir SOS iyo Madiino saan uma dhaqmi laheyn burcadaan horboodeysa
maamulka magaalada iyo isboortiga.
Marka waxaa aad ula yaabney dhamaanteen oo aan rabaa inaad arinkaan ogataan
sida ay macquul ku tahey damiirkana ku siin karaa dad barnaamij ay soo
hindiseen caqli, waqti, maskax, juhdi, dhaqaale ku bixiyeen islamarkaana
slogans iyo magacii ay barnaamijkaas u baxsadeen maalin dharaar cad ah
inta la minguuriyo lagu qabsado magaalada Muqdisho sababta iyo waxa ku
kalifi kara intaa le eg oo caqli xumo iyo tuuganimo aan ka aheyn ma arko
waayo Duqa magaalada Muqdisho maxaa soo dhex galiyay hadii uusan wax ka
ogeyn qorshaha Duraan Faarax oo ku caan baxay inuu lugta jiido qof walbo
oo wanaag wadanka isboortigiisa u qabanaayo, Tarzan afdheeridiisa waa
ninka yiri lagama hadli karo musuqmaasuqa GOS,waayo Tarabi xidid la ah
iyo Duraana ay shirko ku yihiin dhunsashada hantida qandaraasyada dib
u dhiska caasimada ayaa maamula, balse wuxuu ogeyn in turxaanbixinta hadalada
Tarzan iyo ficiladiisa aysan u joogsaneynin.
Tarzan hala su’aalo ma gudiga Olambikada muu xubin ka yahey ? ma Xiriirka
Cayaaraha Fudud oo Soomaaliya muu wax ka maamulaa? maxaa ku kalifey inuu
xado fikirkii Mudane Cabdulqaadir Caraale iyo Mudane Cabdi Warsame iyo
dadkii gacanta siiyay ay ugu horeeyaan hay’adihii maalgaliyay iyo Xiriirka
Soomaaliyeed cayaaraha fudud ee ku qabtey magaalada tartankii Nabada 2013
” Mogadishu Run for Peace 2013.?.
Xishoodkii iyo Iimaankii ayaa moodaa in maanta dadka maamula magaalada
Muqdisho ka tagey iyo kuwa isboortiga madaxdeeda sheeganaya ee burcadka
noqdey, waxay ila tahey in hada dhaqdhaqaaqyada ka socda magaalada Muqdisho
ay ka wadaan Duraan Faarax iyo Maxamuud Tarzan si aad ah loo darsado loona
turxaanbixiyo waayo wax la aqbali kara ma ahan sida raqiiska ah ay ku
xamalanayaan laga aamuso waayo labadii urur ay ku lahaayeen.
magaalada London oo ay lacaga ku dhici jireen ayay ka bilaabeen mid ka
sii xun magaalada Muqdisho iyagoo kale sheeganaya Duq magaalo iyo Xoghaye
Olambik.
Tarzan waxaa la gudboon inuu magaalada Muqdisho sidii loo horumarin lahaa
ka shaqeeyo sida qashinka faraha badan sidii uga nadiifan lahaa magaalada,
sidii hantida dadka masaakiinta xooga looga heysto dib ugu soo celin lahaa,
dadka boosaska jidadka degan uga rari lahaa iwm ah, sax ma ahan in isboorti
ka soo raadiyo magac aan jirin, sax ma ahan inuu islaamo calamo wato dariiqyada
magaalada soo safo madaxda dowlada durbaan u tumo, guulwadeeyo gurbaan
tumo. waxaa laga rabaa inuu ka hadlo Ethopiaanka uu ceyn jirey xiligii
Madaxweyne Cabdullahi Yusuf joogay wadanka uu dariiqyada London iyo isbitaalada
London mudaharaadka ka wadey ee maanta wadanka ku sugan iwm ah.
Docda kale Gudiga Olambikada gaar ahaan Jaalle Cabdullahi Tarabi waxaa
la gudboon inuu fiiro gaar ah u yeesho markale Jaalle Duraan Faarax howlaha
xagal daacinta ah uu ka wado magaalada Muqdisho iyo faragalinta uu ku
haayo kubadda koleyga iyo Cayaaraha Fudud maamuladooda iyo qash qashaada
uu ku sameynaayo had iyo goor dadka isboortiga ah ee wadanka waxtari kara
sida Cabdulqaadir Caraale iyo Cabdi Warsame, aniga waxaan sheegi karaa
sababta uu usameynaayo arimahaan inuu carqaladeeyo maamulka iyo shaqada
ay rabaan XSCF inay qabsadaan madaama wuxuu rajo ka qabaa in Olambikada
soo socoto dad is xambaar ah ku soo dhex darsado, si ay dadkaasi isaga
dhibaan marka ay transit ku soo marayaan wadamadaan, sidii marar badan
dhacdey oo hore, waayo xiriirka cayaaraha fudud waxay doonayaa inay si
tayo badan uga soo muuqdaan fagaarayaasha caalamka, waana sababta waxaan
dhan loo sameeyay in magacooda la xado fikirkooda la dhaco, islamarkaana
Sport for peace project looga dalbado dhaqaale, madaama Soomaaliya xubin
looga yahey, balse dhacdadaan waxaan ka sameyn doonaa qoraal rasmi ah
oo aan u diri doono hey’adaha ruwaayada loo dhigaayo iyo indho sarcaadkaba.
Weli waxaad moodaa in Duraan Faarax uu rabo inuu xiriirada howlahooda
gacanta iyo lugta ku walaaqo,waayo haduusan rabin oo sharaf dhawranaayo
isagoo Gudoomiyenimo waayayay karaani ma qaateen inuu noqdo, sababta uu
gudoomiye u noqon waayana waa lugooyada iyo boobka isboortiga ku wado,
balse Xiriirada waxaa laga rabaa inay fahmaan inay howlahooda u madax
banaan yihiin, GOS laga rabo un in marka ay soo dhawaato cayaaraha olambikada
iyo all African games kale shaqeyso xiriirada ay quseyso sidii looga qayb
gali lahaa, waayo xiriir walbo waa u madax banaan tahey howlihiisa waxay
leeyihiin dalad caalami ah oo xiriir walbo ku mideysan yahey, wax sii
shaqeyn kara ma ahan Olambikada isboortiga gacnaha iyo lugaha
soo gala, xiriirada waxaa muhiim u ah marka ay baxsanayaan koobabkooda
ay iyaga baxsadaan meesha laga bixiyo niman iska socdo oo GOS sheeganaya
oo koobabka u bixiya howl ay ku soo dhinteen.
Waxaa leeyahay mudane Cabdi Warsame iyo Mudane Cabdulqaadir Caraale iyo
hay’adihii maalgaliyay tartankii Mogadishu Run for Peace 2013 hambalyo,
hana ka niyad jabina howlaha wadanka u qabaneysaan, burcada magaca dhacdey
ee magaca sida xun ku raadineysana waxaan leeyahay isku xishooda imaanka
allaha idin yeelo iyo xishood. Aamiin
Qalinkii turxaanbixinta SSPAMEDIA.COM
Yusuf Yusuf
London
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
